Mbarang suwe njomblo
Daplun sidane duwe pacar jenenge Dakem. Pacare ayu Daplune ngganteng. Pokoke
cah loro mau pasangan sing serasi lah. Cuman sayange Daplun duwe kelemahan ora
bisa ngomong “R”, dadine angger ana omongan sing ana huruf “R” dadine diomongna
“Y”.
Nang
Dakem jan-jane sih ora dadi masalah, tapi nggo njaga gengsi nang ngarepe Dakem
deweke latihan terus ben bisa ngomong huruf “R”
Paling ora Daplun kudu
bisa ngomong “Sega Goreng” dudu “Sega Goyeng” sing biasa diomongna. Soale Dakem
seneng banget karo Sega Goreng dadi Daplun latihan ben bisa ngomong Sega Goreng
kanthi bener ben angger ngasengi mangan ora ngisin-ngisina.
Mbarang
aben ndina latihan ngomong Sega Gorrrreng ..... Sega Gorrrrreng ..... Sega
Gorrrrreng ...... karo dimat-matne nang huruf “R”, sidane Daplun bisa.
Pas
malem Minggu, Daplun ngasengi Dakem mangan Sega Goreng. Gutul nggon bakul Sega
Goreng, Daplun sing wis latihan gole pesen seru banget “Pak, Sega Goreng ya”
Krungu
kaya kuwe Dakem dadi kaget, seneng pacare bisa ngomong R. “Wah hebat nemen mas
Daplun , siki wis bisa ngomong R”
Dialem kaya kuwe Daplun
dadi seneng banget, karo mesam-mesem Daplun nggaya ngangkat kerah klambine.
Pas agi
kesenengan dialem pacare, bakul Sega Gorenge gantian takon, ya pada baen serune.
“Mas, ngombene apa ..... ?”
Spontan
Daplun semaur, suarane seru “Biasa ...... ES JEYUK”
